MASHINDANO YA MBIO ZA KIKOSI MAALUM CHA KUZUIA MAGENDO (KMKM) KILOMITA 10 YALIYOFANYIKA ZANZIBAR

Washiriki wa mashindano ya KMKM kilomita kumi wanawake na wanaume, wakisubiri kuanzishwa kwa mbio hizo katika mashindano yaliyoanzia Makao Makuu ya kikosi hicho Kibweni na kumalizikia Maisara mjini Zanzibar.

Wakimbiaji katika mashindano ya kilomita kumi yaliyoandaliwa na kikosi chaKMKM wakichuana vikali kuelekea mfundani.

Mkimbiaji Nelson Priver wa timu ya Jeshi la Wananchi wa Tanzania (JWTZ) Arusha akifuatiwa na John Leonard pia wa timu hiyo wakiongoza mashindano hayo.

Mkimbiaji Sarah Ramadhan kutoka Kikosi Maalum cha Kuzuia Magendo (KMKM), akimaliza mashindano hayo kwa kushika nafasi ya kwanza kwa upande wa wanawake katika viwanja vya Maisara.

Mgeni rasmi katika mashindano hayo ya riadha, Waziri wa Nchi, Ofisi ya Rais, Tawala za Mikoa, Serekali za Mitaa na Idara Maalum za SMZ Haji Omar Kheri (wa 5 kutoka kulia) akijumuika na viongozi wengine kuwashangiria wanariadha waliokuwa wakipita mbele yao.

Mjumbe wa kamati ya maandalizi ya KMKM kilomita kumi CPO. Abdallah Shaaban akisoma risala ya mashindano kwa mgeni rasmi na wageni walikwa waliohudhuri katika mashindano hayo.

Mkimbiaji mkongwa aliyoipa sifa Tanzania Kanali Mstaafu. Juma Ikangaa akitaa nasaha zake kwa wakimbiaji wa mbio za KMKM kilomita kumi mara tu baada ya kumalizika kwa mashindano hayo.

Mkuu wa Kikosi Maalum cha Kuzuia Magendo (KMKM) Komodoo. Hassan Mussa akitoa shukrani kwa washiriki wote wa mashindano yaliyoandaliwa na kikosi chake na kumkaribisha mgeni rasmin.

Mgeni rasmi katika mashindano hayo ya riadha, Waziri wa Nchi, Ofisi ya Rais, Tawala za Mikoa, Serekali za Mitaa na Idara Maalum za SMZ Haji Omar Kheri akiwahutubiwa wanamichezo waliomaliza mashindano ya KMKM kilomita kumi katika viwanja vya Maisara Mjini Zanzibar

Mgeni rasmi katika mashindano ya KMKM kilomita kumi Waziri. Haji Omar Kheri akimpa zawadi ya pesa taslim laki tano mshindi wa kwanza kwa upande wa wanawake  Sarah Ramadhan.

Mgeni rasmi katika mashindano ya (KMKM) kilomita kumi Waziri. Haji Omar Kheri (katikati) waliosimama chini, (kulia) Waziri wa Habari, Utalii, Utamaduni na Michezo Rashid Ali Juma na (kushoto) Mkuu wa Kikosi cha KMKM Komodoo. Hassan Mussa wakiwa katika picha ya pamoja na mshindi wa 1,2 na 3 wa mashindano ya KMKM kilomita kumi.

Picha zote na Makame Mshenga/Maelezo Zanzibar.