Waziri wa Wizara ya Mambo ya Katiba na Sheria Mhe. Dkt Harrison Mwakyembe amemtembelea mkuu wa mkoa wa Dar es salaam na kumpongeza kwa kitendo chake cha kuwasaidia wananchi wa mkoa wa Dar es Salaam kupata huduma za msaada wa kisheria na mpango wa kujenga mahakama 20 mpya ili kuhakikisha huduma za upatikanaji wa haki kwa wananchini zinaimarika na kupatikana kwa wakati.
Waziri Dkt Mwakyembe ametoa pongezi hizo alipokutana na Mkuu
wa Mkoa wa Dar es salaam Mhe. Paul Makonda ofisini kwake jijni Dar es salam
wakati viongozi wa Wizara ya Mambo ya Katiba na Sheria walipomtembelea ili
kumpongeza na kuuunga mkono jitihada za
Mkuu wa Mkoa katika kuhakikisha wananchi wa Dar es salaam wanapata haki zao kwa
wakati.
“Mhe Mkuu wa Mkoa nimekuja hapa hii leo na timu yangu
kukupongeza na kukuonyesha kwamba tunakuunga mkono na tuko pamoja kuhakikisha
upatikanaji haki na huduma za masaada wa kisheria kwa wananchi vinapatikana kwa
wakati,” alisema Dkt Mwakyembe na kuongeza kuwa kitendo cha kusikiliza matatizo
ya wananchi na kuwasaidia kama ulivyofanya ni cha aina yake na kwa hilo mimi
binafsi na viongozi wenzangu tunakupongeza sana na nikuhakikishie kwamba
tunakuunga mkono na tuko pamoja katika hili,” alisema Dkt Mwakyembe
Akizungumza katika kikao hicho Katibu Mkuu Wizara ya Mambo
ya Katiba na Sheria Prof Sifuni Mchome amesema wizara imenufaika sana na ziara
ya Mkuu wa Mkoa ambayo ilimpatia fursa ya kusikiliza kero na malalamiko
mbalimbali kutoka kwa wananchi na kuonyesha kuwa wanachi wengi wanahitaji
msaada wa huduma za kisheria ili kupata haki zao kwa wakati.
Amesema ziara hiyo imesaidia kuangalia utendaji wa eneo la
sekta ya sheria na utoaji haki kwa ujumla kufuatia malalamiko mengi
yaliyotolewa na wananchi na kubaini kuwa hitaji la msaada wa huduma za kisheria
kwa wananchi wa mkoa wa Dar es salaam pia ni kubwa kama ilivyo mikoani na hivyo
ni muhimu kulizingatia.
Nae Mkuu wa Mkoa wa Dar es Salaam akizungumza katika kikao
hicho amesema uongozi wa mkoa kwa kushirikiana na wadau mbalimbali wa
maendeleo wanatarajia kujenga Mahakama
mpya 20 kuanzia mwaka 2017 ili kukabiliana na changamoto ya upungufu wa
mahakama mkoani humo kwakuwa mkoa una mahakama za mwanzo 12 wakati mahitaji
halisi ni mahakama 102.
Mhe Makonda amesema uamuzi wa kujenga mahakama hizo unaenda
sambamba na mpango wa kujenga vituo vya polisi katika kila kata ambao ulisaidia
kugundua kuwa ili haki itendeke tena kwa wakati kwa wananchi watakaopelekwa
katika vituo hivyo vya polisi ni lazima kuwe na mahakama zaidi ili kufanikisha
mpango wa upatikanaji haki kwa wakati .
Ameiomba Wizara kupitia Mahakama ya Tanzania kuwapatia
maeneo kjama wanayo na vigezo vya namna mahakama zinavyotakiwa kuwa kama vipo
ili kujenga mahakama zitakazokidhi viwango na hivyo kuwafanya watendaji wa
mahakama hizo kutoa huduma bora kwa wananchi.
Amesema ziara aliyoifanya mkoani hivi karibuni ilimpatia
fursa ya kusikiliza kero za wananchi na kugundua kuwa wananchi wengi
wanakabiliwa na changamoto ya kutopata haki kwa wakati na uelewa mdogo wa namna
ya kupata haki zao hali ambayo inawasababisha wengi wao kukosa haki zao kwa
wakati na kuongeza kuwa kama kiongozi ameamua kulivalia njuga suala hilo ili
kuwapunguzia wananchi kero hiyo.
Amesema mpaka sasa anao vijana 35 ambao ni wahitimu wa
degree ya Sheria ambao wamepatiwa mafunzo maalum na mwanasheria wa mkoa na
atawasambaza vijana hao katika wilaya zote za mkoa ili kuwahudumia wananchi kwa
kuwaptia msaada wa huduma za kisheria na hivyo kuwaondolea changamoto ya
kupeleka mahakamani kila kitu na pengine hata kukosa haki zao kwa kutojua namna
ya kushughulikia mambo yao kwa mujibu wa sheria.
0 Comments