AHADI ZA SERIKALI YA MKOA WA DAR ES SALAAM ZAZIDI KUKAMILIKA

 Mkuu wa Mkoa wa Dar es Salaam,Paul Makonda akitazama baadhi ya vifaa vya kisasa vilivyofungwa katika hospitali hiyo,alipotembelea mapema leo kuangalia vifaa mbalimbali katika Hospitali ya Koica Chanika, jijini Dar es Salaam.

 Baadhi ya Vifaa vya kisasa ambavyo tayari vimeishafungwa katika hospitali hiyo.

 Majengo ya hospitali hiyo kama yaonekanavyo pichani, iliyojengwa kwa ufadhili wa Serikali ya Korea Kusini,ampapo inatarajiwa kuzinduliwa Juni 2017 na Rais wa Jamhuri ya Muungano wa Tanzania Dkt John Pombe 

 Mkuu wa Mkoa wa Dar es Salaam, Paul Makonda akimsikiliza Mganga wa Manispaa ya Ilala,Willy Sangu (hayupo pichani) alipokuwa akitoa maelezo ya vifaa mbalimbali vilivyofungwa katika hospitali hiyo mapema leo jijini Dar,kulia ni Mkuu wa wilaya ya Ilala,Mh Sophia Mjema.

.....

Katika kutimizwa kile kinachoitwa Deni la serikali ya Mkoa kwa wakazi wake wa Dar es salaam Mkuu wa Mkoa Mh Paul Makonda leo hii ametembelea ujenzi wa Hospitali ya KinamMkuu wa Mkoa wa Dar es Salaam,Paul Makonda akitazama baadhi ya vifaa vya kisasa vilivyofungwa katika hospitali hiyo,alipotembelea mapema leo kuangalia vifaa mbalimbali katika Hospitali ya Koica Chanika, jijini Dar es Salaam.

Ujenzi huo ambao ulizinduliwa kwa kuwekewa jiwe la msingi  na Mh Paul Makonda mwanzoni mwa mwaka jana baada ya ombi la ujenzi wa Hospitali ya kisasa ya mama na mtoto kwa wakazi wa Dar es salaam kupokelewa na kukubaliwa na ubalozi wa Korea kusini hapa nchini.

Ukamilishwaji wa ujenzi huu unasindikizwa pia na ujenzi wa nyumba 28 za makazi kwa ajili ya wauguzi na madaktari watakaohudumu hospitali hiyo masaa 24.

Ukamilishwaji wa ujenzi huu ambao hadi sasa umebakiza hatua ya mwisho ya ufungaji wa vitanda 160 vya wagonjwa na 10 vya kujifungulia wakina mama wajawazito  pamoja na vifaa inaendelea kwa sasa. Ni uthibitisho tosha wa kuonesha nia ya dhati ya Serikali ya Dr John Pombe Magufuli ya kuhakikisha huduma bora za kiafya zinawafikia wananchi wote wa Tanzania kwa wakati.

Hospitali hii ya kihistoria na aina yake itakuwa ni mahusisi kwa wakina mama na Watoto wa Mkoa wa Dar es salaam na wamama wote wa maeneo jirani na inatarajiwa kufunguliwa mwezi Juni mwaka huu (2017) na Mh rais wa JMT DrJohn Pombe Magufuli.

Pongezi nyingi zimfikie Mh Paul Makonda na Wataalam wake  kwa jitihada za kutatua changamoto mbalimbali za wananchi wa Dar es salaam kwa kishirikiana na wadau mbalimbali wa maendeleo hapa nchini.