TAARIFA KWA VYOMBO VYA HABARI KUTOKA JESHI LA POLISI MKOA WA MWANZA

TAARIFA YA JESHI LA POLISI MKOA WA MWANZA KWA VYOMBO

VYA HABARI LEO TAREHE 22.04.2017

       WATU WATANO WANASHIKILIWA NA JESHI LA POLISI KWA KOSA LA KUPATIKANA NA NYAVU HARAMU ZA KUVULIA SAMAKI AINA YA MAKOKORO WILAYANI SENGEREMA.

KWAMBA TAREHE 21.04.2017 MAJIRA YA SAA 04:00HRS ALFAJIRI KATIKA KIJIJI NA KATA YA NYARWAMBO WILAYA YA SENGEREMA MKOA WA MWANZA, ASKARI WAKIWA KATIKA DORIA  NA MISAKO WALIFANIKIWA KUWAKAMATA WATU WATANO WALIOFAHAMIKA KWA MAJINA YA 1.PONEJA MKASHI MIAKA 51 MKAZI WA KIJIJI CHA NGOMA B, 2.SIMEO JOHN MIAKA 23 MKAZI WA KIJIJI CHA RUBANDA, 3.MASHAKA HITILA MIAKA 17 MKAZI WA KIJIJI CHA  RUBANDA, 4.DANIEL LUCAS MIAKA 25, MKAZI WA KIJIJI CHA RUBANDA NA 5.TURUZIRA HITILA MIAKA 35 MKAZI WA KIJIJI CHA  KAHUMURO, KWA KOSA LA KUPATIKANA WAKIWA NA NYAVU HARAMU MBILI ZA KUVULIA SAMAKI AINA YA MAKOKORO, KITENDO AMBACHO NI KOSA KISHERIA.

AWALI ASKARI WAKIWA KWENYE DORIA NA MISAKO WALIPOKEA TAARIFA KUTOKA KWA RAIA WEMA KWAMBA KATIKA MAENEO TAJWA HAPO JUU WAPO WATU WANAOJIHUSISHA NA UVUVU HARAMU. ASKARI WALIFANYA UPELELEZI KUHUSIANA NA TAARIFA HIZO HUKU WAKIENDELEA NA DORIA KATIKA MAENEO HAYO, NDIPO ILIPOFIKA MAJIRA TAJWA HAPO JUU ASKARI WALIFANIKIWA KUWAKAMATA WATUHUMIWA TAJWA HAPO JUU WAKIWA NA MAKOKORO MAWILI YAKIWA KWENYE MTUMBWI.

WATUHUMIWA WAPO KATIKA MAHOJIANO NA JESHI LA POLISI PINDI UCHUNGUZI UKIKAMALIKA WATAFIKISHWA MAHAKAMANI, AIDHA UPELELEZI NA MISAKO YA KUWATAFUTA WATU WENGINE WANAOJIHUSISHA NA UVUVI HARAMU KATIKA MAENEO YOTE BADO UNAENDELEA.

KAMANDA WA POLISI MKOA WA MWANZA NAIBU KAMISHINA WA POLISI ANATOA WITO KWA WATU WANAOJIHUSISHA NA SHUGHULI ZA UVUVI AKIWATAKA KUFANYA KAZI KWA KUFUATA SHERIA, KANUNI NA TARATIBU ZILIZOWEKWA NA SERIKALI. AIDHA PIA ANAWAOMBA WANANCHI KUENDELEA KUTOA USHIRIKIANO KWA JESHI LA POLISI KWA KUTOA TAARIFA MAPEMA ZA WAHALIFU ILI WAWEZE KUKAMATWA NA KUFIKISHWA KATIKA VYOMBO VYA SHERIA.

IMETOLEWA NA;

DCP: AHMED MSANGI

KAMANDA WA POLISI (M) MWANZA