TAARIFA KWA VYOMBO VYA HABARI KUTOKA JESHI LA POLISI MKOA WA MWANZA

·         WATU WAWILI WANASHIKILIWA NA JESHI LA POLISI KWA TUHUMA ZA KUKAMATWA WAKIWA NA NYARA ZA SERIKALI PAMOJA NA VIFAA VYA KUPIGA RAMLI CHONGANISHI WILAYANI MAGU.

KWAMBA TAREHE 01.11.2016 MAJIRA YA 17:46HRS KATIKA BARABARA YA MAGU – MWANZA WILAYA YA MAGU JIJI NA MKOA WA MWANZA, ASKARI WAKIWA  DORIA WALIFANIKIWA KUWAKAMATA WATU WAWILI WAKIWA NA NYARA ZA SERIKALI PAMOJA  NA VIFAA VYA KUPIGA RAMLI CHONGANISHI  AMBAO 1. SHINJE BONIPHACE MKULIMA MIAKA 32, NA 2. BAHATI SABUNI MKULIMA MIAKA 40, WALIPOKUWA SAFARINI KUELEKEA WILAYANI MAGU NA GARI LENYE NAMBA T. 826 CDA AINA YA TOYOTA HIACE MALI YA ABASS SAMSONI, KITENDO AMBACHO NI KOSA LA JINAI NA UVUNJWAJI WA  SHERIA NA TARATIBU ZA NCHI.

ASKARI WALIFANIKIWA KUWAKAMATA WATUHUMIWA TAJWA HAPO JUU BAADA YA KUTILIA SHAKA GARI WALILOKUWA WAMEPANDA, NDIPO WALILISIMAMISHA NA KULIFANYIA UPEKUZI NA KUFANIKIWA KUWAKAMATA WATUHUMIWA HAO WAKIWA NA NYARA HIZO ZA SERIKALI NA VIFAA VYA KUPIGA RAMLI CHONGANISHI, AMBAVYO WALIKUWA WAMEWEKA NDANI YA BEGI, AMBAVYO NI MAFUTA YA SIMBA, MAYAI YA MBUNI, NGOZI NA MKIA WA FISI, NGOZI YA KALUNGUYEYE NA TUNGULI KUMI NA MBILI ZA UGANGA.

WATUHUMIWA WOTE WAPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA WATAFIKISHWA MAHAKAMANI ILI HATUA ZIDI ZA KISHERIA ZIWEZE KUCHUKULIWA DHIDI YAO, JESHI LA POLISI LINAENDELEA NA UPELELEZI ZAIDI ILI KUWEZA KUWABAINI WAHALIFU WENGINE WA AINA KAMA HIYO.

KAMANDA WA POLISI MKOA WA MWANZA NAIBU  KAMISHINA WA POLISI AHMED MSANGI ANATOA WITO KWA  WANANCHI WA JIJI NA MKOA WA MWANZA AKIWATAKA KUTOA USHIRIKINO KWA JESHI LA POLISI ILI KUWEZA KUWABAINI WATU WOTE WANAOMILIKI NYARA ZA SERIKALI PAMOJA NA WENYE VIFAA VYA UPIGAJI WA RAMLI CHONGANISHI, ILI WAWEZWE KUKAMATWA NA KUFIKISHWA KATIKA VYOMBO VYA SHERIA.

IMETOLEWA NA:

DCP: AHMED MSANGI

KAMANDA WA POLISI (M) MWANZA