Mkuu wa Wilaya ya Mkuranga, Filberto Sanga Awatahadharisha Wananchi wa Kuacha Kuuza Ardhi Hovyo

 Mkuu wa Wilaya ya Mkuranga, Filberto Sanga akizungumza katika Mkutano wa Wajasiriamali Wilaya ya Mkuranga juu ya kujiwezesha kiuchumi kutokana na ardhi walio nayo.

 Mkurugenzi wa Halmashauri Mkuranga, Mshamu Munde akizungumza na   wanawake wajasirimali wa Mkuranga juu fursa zilizopo katika Wilaya ya Mkuranga.

 Mbunge wa Mkurnga, Abdallah Ulega akizungumza na wanawake wa Wilaya hiyo juu kutumia maada za mkutano katika kuzifanya fursa.

 Mkurugenzi wa Halmashauri Mkuranga, Mshamu Munde (wa kwanza kulia )akisalimiana na Mwenyekiti wa Jukwa la Wanawake Wilaya ya Mkuranga, Mariam Abdallah, katika Mkutano wa Wajasiriamali mkoani Pwani.

Sehemu ya  Jukwa la wanawake walikuwapo katika mkutano huo ulifanyika Mkuranga.

Mkuu wa  Wilaya ya Mkuranga, Filberto Sanga amewatahadharisha wananchi wa wilaya hiyo kuacha kuuza  ardhi hovyo na badala yake kuyatumia maeneo hayo katika kufanya shughuli za uchumi.

Mkuu wa Wilaya aliyasema  wakati wa Mkutano wa  Wanawake 402 Jukwaa Wanawake wa Wilaya ya Mkuranga ulioandaliwa na Jukwaa la Wanawake la Uwezeshaji Kiuchumi , amesema kuwa wananchi wa Mkuranga wakiitumia ardhi vizuri itawapa maendeleo na sio kuuza na kwa ajili ya kucheza ngoma.

Amesema Mkuranga ina ardhi ya kutosha yenye rutuba lakini wananchi wanashindwa kuitumia katika kujiletea  maendeleo na kufanya kuwa na maisha  magumu ya kujiendeesha kiuchumi.

Aidha amesema  mkutano wa wanawake wajasiriamali uwe chachu katika kuanza kuitumia ardhi katika shughuli za kilimo  na mazao watayoyalima watapata  masoko.

Nae Balozi wa Heshima wa Sheli sheli, Maria Paul amesema kuwa wanawake walime matunda Passion na Nanasi na kuweza kuyanunua mwenyewe hivyo hawatakuwa na usumbufu wa soko kwa matunda hayo.

Maria amesema kuwa wananchi wa Mkuranga wamepata bahati ya ardhi lakini ardhi hiyo haitumiki katika kuwapa maendeleo wakiwemo wanawake wa wilaya hiyo.

Mwenyekiti wa Jukwaa la Wajasiriamali Wilaya ya Mkuranga, Mariam Abdallah amesema wakati wa maendeleo umefika wakutumia ardhi katika kuwaletea maendeleo.

Kwa Upande wa Mbunge wa Mkuranga, Abdallah Ulega amesema kuwa kuna maendeleo yamewafikia wananchi iliyokuwa  changamoto ikiwemo  maji ambapo visima nane vimechimbwa katika vijiji vya Kimazichana Magharibi, Mkerezange, Midimuni,Ngole , Mwanambaya ,Yava yava pamoja na  Mlaleni.

Aidha Mbunge ameomba kwa Mkuu wa Wilaya kutumika kwa Kituo cha Mti Pesa kwa abiri kushuka na kupanda  ikiwa na biashara katika mida jioni ambapo Mkuu wa Wilaya alikubali na kusema jumatatu kituo hicho kitatumika.

Amesema kuwa vijiji vyote vitapata umeme katika mradi umeme vijiji awamu ya tatu na upande barabara ya lami kutoka Mkuranga Mjini  kwenda  Hospitali ya Wilaya Kupitia ofisi ya Mkuu wa Wilaya  hadi Halmashauri.

Ulega  ameomba barabara Vikindu Viazi hadi Marogoro, Sangatini pmoaja na Barabara ya Kiguza , Hoyoyo , Kitonga kuingia katika barabara za Mkoa ili kutokana na fursa za maendeleo ya maeneo hayo.