RC Luhumbi aagiza wakaguzi wa ndani kwenda Mgusu kukagua mapato na matumizi

Mhandisi Modest Apolinary Mkurugenzi wa Halmashauri ya Mji Geita kitoa ufafanuzi kuhusu ramani ya ujenzi wa Kituo cha Afya Kata ya Mgusu kwa Mkuu wa Mkoa wa Geita Robert Gabriel kulia ni Herman Kapufi Mkuu wa Wilaya ya Geita.

Mkuu wa wilaya ya Geita,Mwl Herman Kapufi akishiriki kuchimba msingi wakati wa zoezi la kuhamasisha ujenzi wa zahanati kwenye Mtaa wa Nyakato ambao upo kata ya Buhalahala.

Mwenyekiti wa Halmashauri ya mji wa Geita,Leornad Kiganga Bugomola akihaidi kuchangia mifuko mia moja kwenye ujenzi wa zahanati ya mtaa wa nyakato.

Mkuu wa Mkoa wa Geita,Mhandisi Robert Luhumbi akipokea maelezo juu ya ujenzi wa shule ya sekondari ya Mgusu kutoka kwa Diwani wa Kata ya Mgusu,Pastory Ruhusa wakati alipotembelea na kushirikiana na wananchi kwenye shughuli za ujenzi wa shule ya sekondari ya kata.

Akina mama wa mtaa wa Machinjioni Kata ya Mgusu Halmashauri ya Mji Geita wakishiriki katika ujenzi wa jengo la utawala kwa kubeba maji kupeleka eneo la mradi.Wananchi wwameamua kujenga Shule ya Sekondari kwa kuwa Kata hiyo haina hata shule moja hivyo watoto wanaofaulu ulazimika kutembea umbali mrefu kufuata huduma ya elimu ya Sekondari katika Kata za jirani.

Mhandisi Robert Gabriel Mkuu wa Mkoa wa Geita akishiriki kujenga msingi  wa vyumba vya madarasa shule ya Sekondari Mgusu baada ya kuzindua kampeni ya ujenzi wa vyumba vya madarasa na Zahanati Halmashauri ya Mji Geita.Kata ya Mgusu inakabiliwa na changamoto ya kutokuwa na Shule ya Sekondari.

Na, Joel Maduka.Geita

Mkuu wa Mkoa wa Geita Mhandisi Robert Luhumbi amemuagiza Mkurugenzi wa Halmashauri ya Mji wa Geita mhandisiModest Apolinary kupeleka wakaguzi wa ndani wa Hesabu za Serikali Kata ya Mgusu ili wakakague na kujiridhisha kuhusu mapato na matumizi ya Kata hiyo.

Akizungumza kwenye ziara yake mjini Geita ya kuzindua kampeni ya ujenzi wa vyumba vya madarasa na zahanati Mhandisi Luhumbi amepokea malalamiko ya wakazi wa Machinjioni waliodai kutosomewa taarifa za mapato na matumizi ya fedha zao.

Mhandisi Luhumbi alisema kuwa endapo kama  itakabainika kuwa kiongozi wa mtaa, kijiji au Kata ametumia vibaya fedha za wananchi anapaswa kuchukuliwa hatua za kisheria na kuzirejesha fedha hizo.

“Mkurugenzi leta timu ya ukaguzi wa hesabu za Serikali ili ikague na kujiridhisha kama kuna fedha yoyote iliyochukuliwa pasipo maelezo yanayojitosheleza hatua zichukuliwe haraka kwa wote watakaobainika kuhusika".  Alisisitiza Luhumbi.

Mheshimiwa Robert ameongeza kuwa ukaguzi huo ufanyike kuanzia mwaka 2014 hadi 2017 kisha apate taarifa hiyo ofisini.  Akiwa katika Halmashauri hiyo Mkuu wa Mkoa amepongeza jitihada zinazofanywa na wananchi za kushiriki katika utekelezaji wa miradi mbalimbali ya maendeleo licha ya kuwepo changamoto nyingi katika maeneo yao.

Diwani wa Kata ya Mgusu Bw P ...