Wakulima sasa Kupata Mbolea kwa Bei Nafuu

 Kaimu Mkurugenzi Mtendaji Mamlaka ya Uthibiti wa Ubora wa Mbolea Tanzania (TFRA) Lazaro Kitandu akisisitiza jambo wakati wa mkutano wake na Waandisi wa Habari kuhusu mfumo mpya wa uagizaji wa mbole kwa pamoja leo Jijini Dar es Salaam. Kulia ni Kaimu Mkuu wa Kitengo cha Mawasiliano Serikalini Wizara ya Kilimo, Mifugo na Uvuvi  Issa Sabuni.

 Kaimu Mkurugenzi Mtendaji Mamlaka ya Uthibiti wa Ubora wa Mbolea Tanzania (TFRA) Lazaro Kitandu akionyesha orodha ya bei elekezi kwa mbolea za DAP ya kupandia na UREA ya kukuzia mazao wakati wa mkutano wake na Waandisi wa Habari kuhusu mfumo mpya wa uagizaji wa mbole kwa pamoja leo Jijini Dar es Salaam. Kulia ni Kaimu Mkuu wa Kitengo cha Mawasiliano Serikalini Wizara ya Kilimo, Mifugo na Uvuvi  Issa Sabuni.

 Kaimu Mkurugenzi Mtendaji Mamlaka ya Uthibiti wa Ubora wa Mbolea Tanzania (TFRA) Lazaro Kitandu (katika) akisisitiza jambo wakati wa mkutano wake na Waandisi wa Habari kuhusu mfumo mpya wa uagizaji wa mbole kwa pamoja leo Jijini Dar es Salaam. Kulia ni Kaimu Mkuu wa Kitengo cha Mawasiliano Serikalini Wizara ya Kilimo, Mifugo na Uvuvi  Issa Sabuni na kushoto ni Mkaguzi wa Mbolea kutoka TFRA, Allan Mariki.

Baadhi ya waandishi wa habari wakifuatilia mkutano wao na Kaimu Mkurugenzi Mamlaka ya Udhibiti wa Ubora wa Mbolea Tanzania (TFRA) Bw. Lazaro Kitandu (hayupo pichani) leo Jijini Dar es Salaam.

Picha na: Idara ya Habari - MAELEZO

...........................

Na. Paschal Dotto-MAELEZO

Wakulima wanatarajia kupata mbolea kwa bei nafuu tofauti na hapo zamani ambapo hivi sasa Serikali imekuja na mfumo mpya wa uagizaji wa mbolea kwa wakulima wote katika maeneo yote Tanzania hususani maeneo ya vijijini ambako mbolea ilikuwa inafika kwa gharama kubwa.

Akizungumuza Jijini Dar es Salaam leo Kaimu Mkurugenzi Mamlaka ya Udhibiti wa Ubora wa Mbolea Tanzania(TFRA) Bw. Lazaro Kitandu amesema kuwa huduma ya upatikanaji wa mbolea kwa wakulima wote nchini utarahisishwa kwa kuwa Serikali kupitia Wizara ya Kilimo na Mifugo imeweka utaratibu mpya wa uagizaji wa mbolea kwa kutoa tenda kwa wazabuni mbalimbali.

“Serikali imechukua hatua ya kuanzisha utaratbu mpya wa kuagiza mbolea kwa pamoja kutoka zinakotengenezwa, yaani mbolea za kupandia (DAP) na mbolea za kukuzia(UREA)  kupitia kwa wawekezaji wanaochukua  zabuni hiyo”,alisema Kitandu.

Hatua nyingine ambazo serikali imechukua katika kuboresha sekta ya kilimo ni pamoja na Mamlaka hiyo kuweka matarajio ya matumizi makubwa ya mbolea ili kuendana na kasi ya nchi za Kusini mwa Jangwa la Sahara.

Tanzania ina matumizi ya asilimia 19 ya mbolea kwa hekta moja ambayo ni matumizi madogo,nchi nyingine zina matumizi ya asilimia 50 kwa hekta moja kwa hiyo mamlaka inaweka matarajio makubwa kwa matumizi ya mbolea ili kuinua kilimo na kujenga uchumi wa viwanda.

Aidha Bw. Kitandu alisema mchakato wa kumpata mzabuni wa kazi hiyo ya uagizaji mbolea ulianza mwezi Aprili kwa kutangaza zabuni kwa makampuni mbalimbali ambapo kufikia mwezi Julai, 2017 washindi walipatikana ambao  ni kampuni ya OCP ya Morocco na Premium Agrocam ya Tanzania.

“kufuatia utaratibu huu mpya mchakato ulianza tangu mwezi aprili kwa kuchuja  watu ambao wanauwezo wa kutuleta mbolea ,lakini mchakato uliendelea mwezi Julai tukapata mzabuni wa mbolea za kupandia(DAP) ambapo Kampuni ya OCP kutoka Morocco ilibuka washindi katika zabuni hiyo na kumpuni ya Premium Agrocam kuwa mzabuni wa mbolea ya kukuzia yaani (UREA)”, alisema Bw. Kitandu.

Bw.Kitandu alivitaja vigezo vilivyotumika kumpata mzabuni huyo kuwa ni pamoja na bei inayopatikana katika viwanda vinavyotengeneza mbolea ambapo OCP pamoja na premium agrocam walionekana kuwa na bei za kuridhisha.

Aidha Bw. Kitandu  aliwahakikishia wakulima kuwa  mbolea itasafirishwa mpaka vijijini kwa kutumia treni na malori kwa sehemu ambapo treni haiwezi kufika, na    amewatoa hofu wakulima kuwa msimu unaoanza mwezi wa tisa wameagiza tani 23,000 kwa mbolea ya kupandia (DAP) na tani 32,000 kwa mbolea ya kukuzia (UREA) ambapo watakuwa wanaagiza kwa awamu kwa miezi miwili miwili.

Tanzania inatumia Tani 4000,000 kwa mwaka na kwa kwa msimu huu bei ya mbolea itashuka kutoka aslimia 15 mpaka asilimia 40, ambapo kwa mfuko wa kilo 50 utanunuliwa kwa shilingi .52,000 badala ya shilingi 1000,000 bei ya awali.  

Pia amewaonya wale watakaotumia mwanya huu kuuza mbolea nje ya bei elekezi ya Serikali kwamba watachukuliwa hatua za kisheria kama kunyang’anywa leseni, kufungwa, faini au vyote kwa pamoja.